Ensin teijän pitäy piäššä Šohjanankoškeh (Sofporogah), kumpani on Karjalan Louhen piirissä.

1. Još työ oletta Venäjän puolella

Autolla piäšöy ensin Piiteri-Murmanski –valtijotietä myöten, šiitä Louhi-Piäjärvi –risteykšeštä (1008. km) kiäntykkyä vašemmalla, još matkuatta eteläštä päin, ta ajakkua noin 80 km šoratietä Šohjanankošen kyläh šuati.

Junalla piäšöy Okt’abrskaja-rautatietä myöten Louhen ašemalla, missä teitä otetah vaštah ta viijäh Šohjanankošen kyläh autolla (buššilla tai henkilöautolla, še riippuu ryhmän šuuruuvešta).

2. Još työ oletta Šuomen puolella

Autolla teijän pitäy ajua Kuušamon lähimmän rajanylityšpaikan (Šuoperä – Kortešalmi) kautti. Tulli toimiu 8.00 – 20.00. Šuomen aikua. Kuušamošta Šohjanankoškeh on noin 130 km. Matka keštäy nelisen tuntie, tullišelvityštä mukah lukien.

Šiitä, Šohjanankošen kylän rannašta teitä kuljetetah kämpällä laivalla tahi mouttorivenehellä (kun matkovehešša on 1-3 henkie vähine tavaroineh) Tuoppajärvie myöten. 30 km:n laivamatka keštäy noin 2 tuntie.

Auton työ šuatta jättyä Šohjanankoškeh yksityistalon pihalla valvonnan alasekši.